Odam savdosiga qarshi kurashish yo‘nalishida DXX Toshkent shahar bo‘yicha boshqarmasi xodimlari tomonidan Ichki ishlar organlari bilan hamkorlikda tezkor tadbir o‘tkazildi.
Xususan, poytaxt hududida qizlarni xorijiy davlatlarga jinsiy ekspluatasiya qilish uchun yuborish bilan shug‘ullanuvchi jinoiy guruh vakili hisoblangan, 2002 yilda Toshkent viloyatining Bo‘stonliq tumanida tug‘ilgan ayol 4 nafar qizlarni aldov yo‘li bilan yollab, ulardan birini o‘zi bilan birga Dubay shahriga olib ketayotgan vaqtida Toshkent xalqaro aeroportida to‘xtatib qolindi.
Holat yuzasidan unga nisbatan Jinoyat Kodeksining 135-moddasi (odam savdosi) 2-qismi “z” bandi bilan jinoyat ishi qo‘zg‘atilib, “qamoq” ehtiyot chorasi qo‘llanildi. Hozirda tergov harakatlari olib borilmoqda.
Ta’kidlash lozimki, amaldagi qonunchilikka muvofiq, bu turdagi jinoyatlar uchun 5 yildan 10 yil muddatgacha ozodlikdan mahrum qilish jazosi belgilangan.
Abduqodir Husanov ota-onasiga 330 ming dollarlik villa sovg‘a qildi
Koreyada vafot etgan o‘zbekistonlik qiz haqida rasmiy bayonot berildi
Zo'r TV bugun «Barselona» va «Manchester Siti» ishtirokidagi o‘yinlarni jonli translyasiya qiladi
