Angliya Kubogi finali: «Uembli»da «Manchester Siti» va «Chelsi» to‘qnashuvi

Angliya Kubogining 2025/26 yilgi mavsumi finalida «Manchester Siti» va «Chelsi» jamoalari o‘zaro to‘qnash kelishadi.

Bahs 16 may kuni afsonaviy «Uembli» stadionida bo‘lib o‘tadi. Yarim final bosqichida «Manchester Siti» «Sautgempton»ni 2:1 hisobida mag‘lub etgan bo‘lsa, «Chelsi» bugun «Lids» ustidan 1:0 hisobida g‘alaba qozonib, final yo‘llanmasini qo‘lga kiritdi.

Londonliklar safida Enso Fernandes tomonidan kiritilgan yagona gol vaqtinchalik bosh murabbiy Kalum Makfarleyn jamoasini finalga olib chiqdi.