Toshkent metrosida hojatxona quriladigan 9 ta bekat nomi ma’lum qilindi

Toshkent metrosining gavjum bo‘lgan 9 ta bekatida ona va bola xonasi hamda hojatxona qurilishi haqida xabar bergandik. Toshkent metropoliteni «Gazeta.uz»ga ushbu bekatlar nomini ma’lum qildi.

Hojatxona qurish uchun yer ostida joylashgan quyidagi 9 ta bekat tanlab olingan:

• «Buyuk ipak yo‘li» bekati;
• «Amir Temur xiyoboni» bekati;
• «Mustaqillik maydoni» bekati;
• «Paxtakor» bekati;
• «Olmazor» bekati;
• «Beruniy» bekati;
• «Chorsu» bekati;
• «Do‘stlik» bekati;
• «Bodomzor» bekati.

Shuningdek, hozirgi vaqtda 4 ta metro bekatda («Buyuk ipak yo‘li», «Amir Temur xiyoboni», «Paxtakor» va «Beruniy») qurilishi rejalangan hojatxonalarning loyiha hujjatlari yakuniy bosqichda bo‘lib, qurilishning 1-bosqichi boshlangan

Hojatxona qurilishi boshlangan bekatlarda shunday bannerlar paydo bo‘ldi.