Tsukuba universiteti yapon olimlari muntazam ravishda velosiped minish keksalik davrida o‘lim xavfini va uzoq muddatli parvarishga bo‘lgan ehtiyojni kamaytirishini aniqladi. Ayniqsa, avtomobil haydamaydiganlarda kuchliroq ta’sir kuzatilgan. Tadqiqot natijalari Transportation Research Part F: Traffic Psychology and Behaviour jurnalida e’lon qilingan.
Ta’kidlanishicha, olimlar 10 yil mobaynida to‘plangan Yaponiya aholisining salomatligi va jismoniy faolligi haqidagi ma’lumotlarni tahlil qilishgan. Ma’lum bo‘lishicha, kuzatuv boshida velosipeddan ko‘proq foydalangan keksa ishtirokchilar keyingi yillarda jiddiy sog‘liq muammolariga kamroq duch kelishgan. Biroq yaxshilanish nafaqat velosiped minishni davom ettirganlarda, balki keyinroq buni boshlagan odamlarda ham qayd etilgan.
Xavflarning eng sezilarli pasayishi haydovchilik guvohnomasiga ega bo‘lmagan keksalarda kuzatilgan. Olimlarning ta’kidlashicha, velosipedda sayr qilish ularning hayotida ayniqsa muhim rol o‘ynagan.
Tadqiqot mualliflari velosipedda sayr qilish nafaqat jismoniy faollik darajasini oshirish usuli ekanligini, shuningdek, keksalik davrida ruhiy-hissiy holatni yaxshilashga va mustaqillikni saqlab qolishga yordam beradi. Olimlar keksa avlod vakillari uchun velosiped minishni yanada xavfsiz va jozibador qilish maqsadida infratuzilma va ijtimoiy tashabbuslarni rivojlantirishga chaqirmoqda.
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Moskva markazida ketma-ket portlashlar yuz berdi
Ukrainaliklar qozog‘istonlik yollanma jangchilarning nomlarini e’lon qildi. Qozog‘istonda sarosima boshlandi
