Toshkent-Andijon avtomobil yo‘lining bir qismida transport vositalari uchun harakatlanish tezligi cheklanadi. Bu bo‘yicha 8 iyun kuni Xalq deputatlari Toshkent viloyati Kengashining tegishli qarori qabul qilindi.
Qaror bilan yo‘l-transport hodisalarining oldini olish va harakat xavfsizligini ta’minlash maqsadida Ohangaron tumani hududidan o‘tuvchi xalqaro ahamiyatga ega A-373 Toshkent-Ohangaron-Angren-Qo‘qon-Shahrixon-Andijon avtomagistralining 103−131-kilometrlari oralig‘ida harakat tezligi amaldagi 100 km/soatdan kamaytiriladi.
Unga ko‘ra, M1, M2 va N1 toifasidagi transport vositalari uchun maksimal tezlik 80 km/soat, N2 va N3 toifasidagi yuk avtomobillari uchun esa 50 km/soat etib belgilanadi.
Ushbu cheklov Ohangaron hududidan o‘tuvchi avtomobil yo‘lining 3 ta aholi yashash joyidan tashqari to‘rtta qismiga nisbatan qo‘llaniladi. Bu hududda “Yuqori tezlik cheklangan” yo‘l belgilari hamda qo‘shimcha axborot belgilarini o‘rnatish ko‘zda tutilgan.
Million rossiyalik mamlakatni tark etdi
47°C issiqlikda tong ham, tun ham yo‘q: Hindistonning eng issiq hududida bir kun
O‘zbekiston – Niderlandiya o‘rtoqlik o‘yini Nyu-Yorkda bo‘lib o‘tadi
