25 iyul kuni ertalab Germaniyaning Quyi Saksoniya federal yeridagi Ganderkezee kommunasida yengil motorli samolyot balandlikni yo‘qotib, turar joy uyining tomiga quladi. Polisiya ma’lumotiga ko‘ra, kamida bir kishi halok bo‘lgan. Dastlabki ma’lumotlarga ko‘ra, bu samolyot uchuvchisi bo‘lgan. Shuningdek, qutqaruvchilar samolyot bortida yana bir kishi bo‘lgan bo‘lishi mumkinligi haqidagi ma’lumotni ham tekshirmoqda.
Zarba oqibatida samolyot kabinasi butunlay vayron bo‘lgan, qanotlari uzilib ketgan, parchalari esa hovli bo‘ylab sochilib ketgan. Fojia sodir bo‘lgan paytda uyda yashovchi oila a’zolari uyda bo‘lmagan.
Dastlabki ma’lumotlarga ko‘ra, samolyot halokatdan bir oz oldin Bremen shahridan uchib chiqqan. Bir necha daqiqadan so‘ng u Ganderkezeedagi kichik aerodromga qisqa muddatga qo‘ngan va yana parvozni davom ettirgan. Halokat taxminan olti daqiqadan keyin sodir bo‘lgan. Samolyot qulashi sabablari hozircha ma’lum emas.
Hindiston TIV Rossiya diplomatini chaqirtirdi
Rossiyada migrantlarni deportasiya qilish uchun asoslar kengaytirildi
1 avgustdan avtomobillar uchun gaz bepul bo‘ladi
