Tinchlik kengashining G‘azo sektorini tiklash bo‘yicha 15 banddan iborat rejasi e’lon qilindi

Mazkur bandlarni o‘z ichiga olgan “Yo‘l xaritasi” qoidalari BMT Xavfsizlik Kengashidagi brifingdan so‘ng Tinchlik kengashining G‘azo bo‘yicha oliy vakili Nikolay Mladenov tomonidan e’lon qilindi. Rejaning tarkibiy qismlari quyidagicha taqsimlangan:

1-band: BMT Xavfsizlik Kengashi rezolyusiyasi va tinchlik rejasiga sodiqlik;

2-band: Olingan majburiyatlarni bajarish. Keyingi bosqichga o‘tishdan oldin tomonlar o‘t ochishni to‘xtatish bo‘yicha amaldagi kelishuv shartlarini, jumladan, insonparvarlik yordami, yonilg‘i yetkazib berish, nazorat-o‘tkazish punktlari faoliyati va uy-joy masalalarini hal etishi shart;

3-band: Xalqaro monitoring. Har bir keyingi bosqich faqat har ikki tomon o‘z majburiyatlarini bajargani tekshirilgandan keyingina ishga tushirilishi kerak;

4-band: G‘azoni boshqarish milliy qo‘mitasi (NCAG) Falastinning vaqtinchalik fuqarolik hokimiyatiga aylanishi lozim. Xalqaro tuzilmalar xavfsizlik, qayta tiklash va fuqarolik boshqaruvi masalalarida yordam beradi;

5-band: Hujjat qurolli tuzilmalarni, jumladan HAMASni boshqaruv tizimidan ajratishni nazarda tutadi. Shu bilan birga, oddiy davlat xizmatchilari va munisipal xodimlar jamoaviy jazoga tortilmasligi kerak;

6-band: Faqat vakolatli Falastin tuzilmalari xavfsizlik funksiyalarini amalga oshirishi va qurol olib yurishi mumkin. Parallel qurolli tuzilmalar o‘z faoliyatini to‘xtatishi shart, jumladan, HAMAS ham;

7-band: Polisiya islohoti;

8-band: Bosqichma-bosqich qurolsizlanish. Qurollar Isroilga emas, NCAG boshqaruvidagi Falastin tuzilmalariga beriladi;

9-band: Shaxsiy qurolni tartibga solish;

10-band: Shaxsiy qurollarni topshirish faqat tasdiqlangan xavfsizlik kafolatlariga erishilgandan keyingina amalga oshiriladi;

11-band: Falastinlik guruhlar o‘rtasidagi ichki nizolar, qurolli namoyishlar, qasos va zo‘ravonliklarni taqiqlash;

12-band: Isroil va Falastin hududlari o‘rtasida gumanitar amaliyotlarni himoya qilish va o‘tish davrini qo‘llab-quvvatlash uchun hududga Xalqaro barqarorlashtirish kuchlari vaqtincha joylashtirilishi kerak;

13-band: Isroil qo‘shinlarini G‘azodan olib chiqish bosqichma-bosqich amalga oshiriladi;

14-band; Mas’uliyatni Falastin hokimiyatiga topshirish. To‘liq demilitarizasiya qilingan hududlardagi xavfsizlik asta-sekin NCAG boshqaruvidagi Falastin fuqarolik tuzilmalari nazoratiga o‘tishi kerak;

15-band: G‘azoni qayta tiklash uchun hududda tinchlik bo‘lishi, rasmiy idoralar ishlashi va noqonuniy qurolli guruhlar bo‘lmasligi shart.