Britaniyaning The Economist nashri jurnalisti Oliver Kerroll yozishicha, Kiyevning muzokara guruhida Rossiya bilan ehtimoliy sulh bo‘yicha qarashlar turlicha.
Ma’lumotlarga ko‘ra, Ukraina prezidenti ofisi rahbari Kirill Budanovga yaqin qanot AQSh vositachiligida tezkor kelishuvga erishish Ukraina manfaatlariga mos deb hisoblaydi va imkoniyat oynasi tez orada yopilishi mumkinligidan xavotirda.
Boshqa qanot esa, jurnalistga ko‘ra, 2025 yil noyabr oyida korrupsiya mojarosi ortidan iste’foga chiqqan Andrey Yermak ta’sirida bo‘lib, tezkor kelishuvga nisbatan ancha ehtiyotkor pozisiyani egallamoqda.
Vladimir Zelenskiy esa ikki tomon o‘rtasida muvozanat saqlashga harakat qilayotgani, shu bilan birga o‘z qarashlariga ham ega ekani qayd etilgan.
Kerroll xulosa qilishicha, Ukraina uchun tez kelishuv ma’qulmi yoki vaqtni cho‘zib, qulayroq sharoit kutish afzalmi — bu nozik muvozanat masalasi. Har ikki variantda ham xavf-xatarlar mavjud.
AQSh va uning prezidenti Donald Tramp tezkor “kelishuv” g‘oyasining asosiy tarafdorlari sifatida tilga olingan.
Jenevada o‘tayotgan muzokaralarning uchinchi raundi arafasida Tramp yana bir bor Ukraina tomonini urushni tez yakunlashga chaqirgan. Biroq Rossiya va Ukraina pozisiyalarida hal etilmagan masalalar saqlanib qolmoqda, ular orasida asosiysi — Donbassning urushdan keyingi maqomi masalasi.
Imomali Rahmon vafot etdi(mi)?
Er yuzidagi sovuqlik rekordi qayd etildi
Olim Yer aholisini «jahannam iqlimi»dan ogohlantirdi
