“TEXNOPARK” MCHJ rahbariga havoni ifloslantirayotganligi sababli chora ko‘rildi

Toshkent shahrida atmosfera havosini ifloslantiruvchi I va II toifaga kiruvchi ob’ektlarda ekologik nazorat tadbirlari davom etmoqda.

Monitoring jarayonida Yashnobod tumanidagi “TEXNOPARK” MCHJ ga qarashli cho‘yan quyish sexi tekshirildi.

Tekshiruvda, korxonada chang-gaz tozalash uskunasi bo‘lsa-da, u me’yordan ortiq chiqindilarni havoga chiqarayotgani, ekologik ekspertiza xulosasi olinmagani aniqlandi.

Aniqlangan qonunbuzarliklar uchun korxona rahbariga belgilangan tartibda chora ko‘rildi va qo‘shimcha to‘lovlar hisoblandi.