Turkiya AQSh va Isroil qo‘shma harbiy operasiyasi uchun qasos sifatida Eronning Injirlikdagi "Amerika bazasi"ga hujum qilgani haqidagi xabarlarni rad etdi.
Bu haqda Turkiya aksil-dezinformasiya markazi bayonot berdi.
Markaz Turkiya hududida AQSh yoki boshqa xorijiy harbiy bazalar yo‘qligini ta’kidladi.
"Turkiya Respublikasining havo, quruqlik va dengiz maydoni, shuningdek, barcha harbiy inshootlar uning to‘liq suvereniteti va nazorati ostida. Mamlakatga hech qanday hujum qayd etilmagan. Bunday nashrlar Turkiyani mintaqaviy mojarolarda ishtirok etuvchi sifatida ko‘rsatishga qaratilgan va dezinformasiya hisoblanadi. Turkiyaning mudofaa va xavfsizlik tizimi barcha tuzilmalari bilan normal ishlashda davom etmoqda va jarayonlar vakolatli organlar tomonidan tezkor ravishda kuzatilmoqda", deyiladi bayonotda.
Aksil-dezinformasiya markazi shuningdek, jamoatchilikni faqat rasmiy agentliklarning bayonotlariga tayanishga chaqirdi.
Bugun ertalab ijtimoiy tarmoqlarda Eron Turkiyaning Injirlik shahridagi NATO aviabazasiga hujum qilgani haqida mish-mishlar tarqaldi, bu baza Amerika bazasi sifatida taqdim etilgan edi.
YPX inspektorini urib ketgan 10-sinf o‘quvchisi “Shuhrat” medali sohibining erkatoy nabirasi ekani ma’lum bo‘ldi
Galibaf: “Eronning javobi shunchalik dahshatli bo‘ladiki, ular yolvorib uzr so‘rashadi”
Eron oliy rahbari televideniye orqali murojaat qiladi
