Tehron AQSh bilan hech qanday shartlarsiz muzokaraga rozi bo‘ladi

Vashington Islom Respublikasi hududida uranni boyitishdan bosh tortish shartini qo‘ysa, Eron AQSh bilan muzokaralarga rozi bo‘lmaydi.

Bu haqda Eron oliy rahbarining xalqaro masalalar bo‘yicha maslahatchisi Ali Akbar Viloyatiy ma’lum qildi.

"Ular Eron boyitishni to‘xtatishi kerak, deyishadi, bu bizning qizil chiziqlarimizdan biri va agar muzokaralar boyitish tugashi bilan shartlangan bo‘lsa, bunday muzokaralar albatta bo‘lmaydi", - dedi Viloyatiy.

Eslatib o‘tamiz, 12 iyul kuni Eron tashqi ishlar vaziri Abbos Arag‘chi Tehron Atom energiyasi bo‘yicha xalqaro agentlik (MAGATE) bilan hamkorlikni to‘xtatayotgani yo‘q, lekin bu boshqa shaklda bo‘lishini aytgan edi. Unga ko‘ra, agentlik so‘rovlari endi Eron milliy xavfsizlik oliy kengashi tomonidan individual tartibda ko‘rib chiqiladi. Xavfsizlik masalalari ham hisobga olinadi.

2 iyul kuni mamlakat prezidenti Masud Pezeshkyan MAGATE bilan hamkorlikni to‘xtatuvchi farmonni imzoladi. Parlament spikeri o‘rinbosari Hamid-Rizo Hoji Babayning tushuntirishicha, bu qaror maxfiy ma’lumotlarning sizib chiqishi bilan bog‘liq.