Tailand qirolichasi onasi Sirikit uzoq davom etgan xastalikdan so‘ng 93 yoshida vafot etdi. Bu haqda qirollik sudi ma’lum qildi, deb yozadi Bangkok Post.
Ma’lumotlarga ko‘ra, u 24 oktyabr kuni qon infeksiyasi sababli davolanayotgan Bangkok kasalxonasida vafot etgan. So‘nggi yillarda amaldagi qirol Maxa Vachiralongkornning onasi Sirikit sog‘lig‘idagi muammolar tufayli kamdan-kam hollarda jamoat oldida ko‘ringan, deb xabar berdi CNN.
Mamlakatda eng yuqori qirollik marosimi bilan dafn etish va bir yillik motam e’lon qilindi.
Sirikit Tailand xalqi tomonidan suyukli malikalardan biri hisoblanardi. Uning portretlarini mamlakat bo‘ylab uylar, idoralar va jamoat joylarida ko‘rish mumkin. Shuningdek, qirolichaning tug‘ilgan kuni mamlakatda Ona kuni sifatida nishonlanardi.
U o‘z hayotini qishloqlardagi qashshoqlikni bartaraf etish, milliy an’analarni asrash va atrof-muhitni muhofaza qilish ishlariga bag‘ishlagan. Shu bilan birga, u Osiyo nafisligi va latofatining ramzi sifatida e’tirof etilgan. Vanity Fair uni “Osiyolik Jeki Kennedi” deb atagan, Paris Match esa “barcha davrlarning eng go‘zal malikasi” deb ta’riflagan.
Sirikit Bangkokdagi boy aristokratlar oilasidan chiqqan bo‘lib, 1950 yilda qirol Pxumibol Adulyadetga turmushga chiqqan. Ular to‘rt nafar farzand — uch qiz va bir o‘g‘il tarbiyalab o‘stirishgan.
Toshkentda bo‘lajak kuyov qizni aldab, hovlisini sotib yuborgani yuzasidan rasmiy ma’lumot berildi
Rossiya qamog‘iga tashlangan o‘zbek jamiyati rahbari ozod qilinmaydigan bo‘ldi
"Vaqt Isroilga qarshi ishlayapti..."
