Sun’iy intellekt 2028 yilda Krishtianu Ronaldu 1000 ta golli marraga yetganida Lionel Messi qancha gol urishini bashorat qildi

«Manchester Yunayted»dagi sobiq jamoadoshi Rio Ferdinand bilan
muloqotda Ronaldu faoliyati davomida 1000 ta gol urgan birinchi futbolchi bo‘lish istagini bildirib, shunday degan edi:

«Men 1000 ta gol urishga erishmoqchiman. Agar jarohatlarim bo‘lmasa, bu men uchun eng muhimi. Men buni xohlayman. Bu futboldagi eng yaxshi ko‘rsatkich».

Kelasi yilning fevral oyida 40 yoshga to‘lganidan so‘ng uning gol urish darajasi pasayib ketishi kutilayotgan bo‘lsada, Ronaldu 2028 yilning 15 avgustida 1000 ta golga erishishi kutilmoqda.

Uning azaliy raqibi, hozirda 843-raqamda bo‘lgan Lionel Messi, agar u jarohatlar olmasa yoki nafaqaga chiqmasa, o‘sha vaqtgacha o‘ynashda davom etsa, 923 taga yetib, yana 80 marta gol urishi taxmin qilinmoqda.