Stokgolmda avtobus bekatdagi odamlarga borib urildi, qurbonlar bor

Shvesiya poytaxtida avtobus bekatdagi odamlarga borib urildi, qurbonlar bor, deb xabar bemroqda BBC.

Xabarlarga ko‘ra, voqea tig‘iz paytda, Stokgolmning markaziy qismida yuz bergan. Ikki qavatli avtobus katta tezlikda bekatdagi odamlarga borib urilgan.

Polisiyaning ma’lum qilishicha, qurbonlar va jarohatlanganlar bor, lekin ularning soni ochiqlanmadi. Avtobus haydovchisi hibsga olingan.

Reuters Stokgolm qutqaruv xizmati vakiliga tayanib, olti kishi jabrlangani haqida xabar bermoqda. Shu bilan birga, qutqaruvchilar halok bo‘lganlar va jarohatlanganlar soniga aniqlik kiritmadi.

Baxtsiz hodisaga nima sabab bo‘lgani hozircha noma’lum.