Osiyo yoki Markaziy Osiyo davlatlari hududiga tushishi taxmin qilinayotgan “Kosmos-482” kosmik apparati orbitadan chiqib, Hind okeaniga quladi deya xabar bermoqda Roskosmos.
Qayd etilishicha, fazoviy qurilma Moskva vaqti bilan 9:24 da (Toshkent vaqti bilan 11:24 da) atmosferaning zich qatlamlariga kirgan va Hind okeanidagi O‘rta Andaman orolidan 560 kilometr g‘arbda qulagan.
“Kosmos-482” qurilmasi — 1972 yil 31 martda Sovet Ittifoqining Venerani o‘rganish bo‘yicha sayyoralararo dasturi doirasida uchirilgan qurilma hisoblanadi. Uning uchirilish maqsadi Veneraning zich atmosferasi, harorati, bosimi, yoritilishi va yuzasining tarkibini o‘rganish edi. “Roskosmos” xabariga ko‘ra, harakat blokidagi nosozlik sababli qurilma Yerning yuqori elliptik orbitasida qolgan va asta-sekin sayyoraga yaqinlashib, qulagan.
Eslatib o‘tamiz, avvalroq ayrim ekspertlar tomonidan 53 yil oldin “Venera-8” missiyasi doirasida uchirilgan “Kosmos-482” kosmik apparatning Osiyo yoki Markaziy Osiyo davlatlari hududiga qulashi mumkinligini taxmin qilinayotgan edi.
Hokim o‘rinbosari o‘zini yoqib yubordimi?
Rossiya S-300/400 maketlari bilan dunyo ko‘zini aldamoqda!
Ukraina O‘zbekistonga sanksiya joriy qildi. Uchta kompaniya va bir fuqaro “qora ro‘yxat”da
