Shimoliy Koreyaning yadroviy sinov o‘tkazishi AQSh razvedkasini bezovta qilmoqda

Shimoliy Koreya "eng qisqa vaqt ichida" yadro sinovini o‘tkazishi mumkin.

Bu haqda AQSh Milliy razvedka boshqarmasi direktori Tulsi Gabbard ma’lum qildi.

"Shimoliy Koreya qisqa fursatda navbatdagi yadro sinovini o‘tkazishga tayyor va kelajakdagi muzokaralarda o‘zining kuchayib borayotgan salohiyatini namoyish qilish uchun qit’alararo ballistik raketa parvozlarini sinovdan o‘tkazishda davom etmoqda” - dedi u Senat razvedka qo‘mitasi tinglovida.

Gabbardning so‘zlariga ko‘ra, Shimoliy Koreya yetakchisi Kim Chen In "Shimoliy Koreyaning obro‘si va nufuzini oshirish, rejimni himoya qilish va hech bo‘lmaganda yadroviy qurolga ega davlat sifatida so‘zsiz tan olinishi uchun mintaqadagi Amerika kuchlari va ittifoqchilariga, shuningdek, Qo‘shma Shtatlarga qarshi yo‘naltirilishi mumkin bo‘lgan strategik va yadroviy bo‘lmagan imkoniyatlarni kuchaytirishga intiladi”.

Shuningdek, uning fikricha, Rossiya bilan munosabatlarni rivojlantirish Pxenyan maqsadlariga erishishga yordam beradi va unga “ko‘proq moliyaviy, harbiy va diplomatik yordam ko‘rsatadi”.

Milliy razvedka rahbarining fikricha, Kim Chen In “2019 yildan beri strategik qurollarga erishgan, Rossiya bilan aloqalarni chuqurlashtirish va Shimoliy Koreyaning iqtisodiy barqarorligini potensial muzokaralarda qo‘lini mustahkamlash deb biladi”.

Janubiy Koreya rasmiylari so‘nggi oylarda KXDR yettinchi yadro sinovini o‘tkazishi mumkinligini bir necha bor ta’kidlagan edi.