Serbiyada muddatidan ilgari parlament saylovlari o‘tmoqda. So‘rovnomalarga ko‘ra, Vuchich partiyasi va muxolifat o‘rtasidagi farq juda oz.
56 yoshli Aleksandar Vuchich so‘nggi 14 yildan beri mamlakat kursini belgilab kelmoqda, biroq tanqidchilar uni korrupsiya va uyushgan jinoyatchilik bilan aloqadorlikda ayblamoqda. Sentyabr oyi oxirida u o‘z partiyasi g‘alaba qozongan taqdirda bosh vazir bo‘lish uchun prezidentlik lavozimidan iste’foga chiqdi.
Biroq, 2024 yil noyabr oyida Novi-Saddagi temiryo‘l vokzalida beton soyabon qulab tushishi va oqibatda 16 kishi halok bo‘lishi ortidan mamlakatda ikki yildan beri ommaviy norozilik namoyishlari davom etmoqda. «Talabalar ro‘yxati — talabalar g‘alaba qozonadi» harakati tomonidan taqdim etilgan muxolifat amaldagi rejimga chek qo‘yishga chaqirmoqda. So‘rovnomalarga ko‘ra, ushbu harakat ovozlarning taxminan 40 foizini olishi mumkin.
«Bu Aleksandar Vuchich 2012 yilda hokimiyatga kelganidan beri haqiqatan ham raqobatbardosh va yakuni noaniq bo‘lgan birinchi saylovdir», — deydi politolog Dushan Spasoyevich DW nashriga.
Politologning fikricha, voqealar rivoji uchun eng yaxshi variant ikki raqobatchi lagerdan birining ishonchli g‘alabasi bo‘lar edi. Aks holda Serbiyani «saylovdan keyingi inqiroz» kutmoqda.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
O‘zbekiston Samarqand haqidagi bayonotlar sabab Eronga norozilik notasi topshirdi
Dunyodagi eng yirik yo‘lovchi samolyoti Moskvaga qo‘na olmayapti — OAV
