Saudiyaning sobiq razvedka boshlig‘i, shahzoda Turki al-Faysal AQSh sobiq prezidenti Donald Trampning G‘azo aholisi deportasiya qilinishi kerakligi haqidagi chaqirig‘iga javoban National gazetasida chiqish qildi.
U Trampga murojaat qilib, «Falastin xalqi noqonuniy migrantlar emas, ularni boshqa davlatlarga majburan ko‘chirib yuborish mumkin emas», deb ta’kidladi.
«Falastinliklar – bu ularning yeri, ularning uylarini Isroil vayron qilgan, va ular ularni qayta tiklaydi, xuddi avvalgi Isroil tajovuzlaridan keyin qilganidek», — dedi shahzoda al-Faysal.
Uning so‘zlariga ko‘ra, G‘azo aholisi asosan 1948 va 1967 yillardagi urushlarda Isroil tomonidan o‘z uylaridan haydab chiqarilgan qochqinlarning avlodlaridir.
«Falastinliklar mahalliy xalq, Isroil esa migrantlar»
Turki al-Faysal Falastinliklar qadimdan Yaqin Sharqda yashab kelgan xalq ekanligini eslatib, Isroil fuqarolarini migrantlar deb atadi:
«Ikkinchi jahon urushidan keyin Falastinga kelgan minglab yevropalik muhojirlar falastinliklarning uylarini va yerlarini tortib oldi, aholiga nisbatan terror va etnik tozalash siyosatini yuritdi. Afsuski, AQSh va Buyuk Britaniya bunga qarshilik qilish o‘rniga, hatto falastinliklarning o‘z uylaridan haydab chiqarilishiga ko‘maklashdi», — dedi saudiyalik shahzoda.
Shuningdek, u G‘azodan quvg‘in qilingan falastinliklar o‘z vatanlariga, jumladan, Hayfa, Yaffa va boshqa shaharlardagi yerlariga qaytishi lozimligini ta’kidladi.
«Falastinliklar nasistlar jinoyatlari uchun javobgar emas»
Shahzoda Turki al-Faysal o‘z maktubida falastinliklar bugun nasistlar tomonidan yahudiylarga nisbatan qilingan jinoyatlar uchun jazolanayotganini eslatdi.
Uning aytishicha, Saudiya Arabistoni qiroli Ibn Saud Ikkinchi jahon urushidan keyin yahudiylarga Germaniyada yer ajratishni taklif qilgan. Biroq AQSh prezidenti Franklin Ruzvelt va uning vorisi Garri Trumen yahudiylarni Yaqin Sharqqa ko‘chirish rejalarini amalga oshirishga qaror qilgan.
«Yaxshiyamki, Ruzvelt Ibn Saud bilan uchrashganda, qirol bu tashabbusni qat’iy rad etdi va yahudiylar uchun Germaniyada yer ajratishni taklif qildi. Afsuski, Garri Trumen yahudiy muhojirlarning Falastinga ko‘chishiga chin dildan ishonar edi va natijada Isroil davlatining tashkil topishida muhim rol o‘ynadi. Bugungi zo‘ravonlik va qon to‘kilishlar – aynan o‘sha qarorlarning va 1917 yildan boshlab Britaniya imperiyasining sionistik harakatlarni qo‘llab-quvvatlaganining natijasidir», — dedi saudiyalik shahzoda.
Geologlar ulkan oltin zaxirasini topib oldi
Tarixiy voqea: Ukraina osmoniga fransuz qiruvchi samolyotlari yetib keldi
Rossiya Xitoyning geosiyosiy raqibiga ilg‘or Su-57 qiruvchi samolyotini taklif qildi
