Rasman: Qozog‘istonlik futbolchi "Chelsi"ga o‘tdi

Hujumchi Dastan Satpayev faoliyatini Londonning "Chelsi" jamoasida davom ettiradi.

Bu haqda Olmaota klubi matbuot xizmati ma’lum qildi.

"Qayrat" va "Chelsi" 16 yoshli hujumchining transferi borasida kelishuvga erishgan. 2026 yilning yozida, balog‘at yoshiga yetganidan so‘ng, u rasman ingliz klubiga o‘tadi. Ungacha Satpayev "Qayrat" safida o‘ynashda davom etadi.

Dastan Olmaota shahrida tug‘ilgan, 8 yoshida "Qayrat" akademiyasiga kirib, tayyorgarlikning barcha bosqichlaridan o‘tgan. 2024 yilning may oyida 15 yoshli Satpayev asosiy jamoada debyut qilgan "Qayrat" tarixidagi eng yosh futbolchiga aylandi.