Shokolad ichiga yashirilgan bomba

Maxsus operasiya hududiga jo‘natilgan shokolad ichiga portlovchi modda yashirilgani aniqlandi. Bu haqida RIA Novostiga Duma nazorat qo‘mitasi raisining birinchi o‘rinbosari Dmitriy Gusev ma’lum qildi.

Bundan buyon askarlarga nima yuborilayotganini tekshirish qanchalik muhimligini ko‘rsatdi. Dushman hatto oziq-ovqatlarni minalashtirishga harakat qilmoqda, dedi deputat.

7 fevral kuni harbiylar uchun (noma’lum ko‘ngilli tomonidan) jo‘natilgan FPV dronlarni boshqarish ko‘zoynaklari ichiga ham 10-15 gramm plastik portlovchi moddalar solingani aniqlangan edi. Lekin ular vaqtida aniqlanib ommaviy teraktning oldi olindi.