Saudiya Arabistonining Dammam shahridagi Qirol Fahd xalqaro aeroportiga qilingan hujum oqibatida ikki kishi halok bo‘ldi, yana sakkiz kishi jarohatlandi.
Saudiya Arabistoni davlat axborot agentligi (SPA) mamlakat Fuqaro aviasiyasi bosh boshqarmasiga tayanib xabar berishicha, hujum 21 oktyabr, chorshanba kuni kechqurun sodir bo‘lgan.
Dastlab bir kishi halok bo‘lgani ma’lum qilingan edi. Biroq 22 oktyabrda e’lon qilingan yangilangan rasmiy ma’lumotga ko‘ra, qurbonlar soni ikki nafarga yetgan. Halok bo‘lganlar Saudiya Arabistoni fuqarosi va Hindiston fuqarosi ekani bildirilgan.
Jarohatlangan sakkiz nafar shaxs orasida Saudiya Arabistoni, Hindiston, Yaman, Bangladesh va Nepal fuqarolari bor. Ularning ayrimlari og‘ir ahvolda bo‘lib, barchasi shifoxonalarda tibbiy yordam olmoqda.
Hujum oqibatida aeroport infratuzilmasiga ham moddiy zarar yetgan. Mas’ul idoralar uning ko‘lamini baholash va xavfsizlikni ta’minlash ishlarini olib bormoqda.
Saudiya aviasiya idorasining so‘nggi bayonotiga ko‘ra, aeroport faoliyati tiklangan va havo qatnovlari odatiy tartibga qaytgan.
Hujum qanday vosita bilan amalga oshirilgani va uning ortida kim turgani haqida rasmiy ma’lumot berilmagan.
So‘nggi haftalarda Saudiya Arabistonidagi aeroportlar va energetika ob’ektlariga bir necha bor hujum uyushtirilgan.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Birgina surat maxfiy rejani tasodifan oshkor qildi. 5 kun ichida nimalar bo‘ldi?
Messi — uchinchi, Yamal — ikkinchi: "Oltin to‘p" uchun asosiy favorit nomi ma’lum bo‘ldi
