Rossiyaning kecha Ukrainaga uyushtirgan hujumida uch kishi halok bo‘ldi

Ukrainaning Kramatorsk shahrida Rossiya kuchlari tomonidan o‘qqa tutilishi natijasida kamida uch kishi halok bo‘ldi va yana bir kishi yaralandi.

Bu haqda Donesk viloyat harbiy ma’muriyati rahbari Vadim Filashkin o‘zining Telegram-kanalida e’lon qildi.

"Kramatorskda o‘qqa tutilishi natijasida kamida uch kishi halok bo‘ldi va yana bir kishi yaralandi. Bugun kechqurun shaharga ikki marta zarba berildi. Rossiya kuchlari yana turar-joy binosiga zarba berdi. Barcha tegishli xizmatlar voqea joyida, qidiruv-qutqaruv operasiyasi davom etmoqda. Qurbonlarning aniq soni va yetkazilgan zarar miqdori aniqlanmoqda", deb yozdi u.