Rossiyaning Vladivostok va Xabarovsk shaharlarida og‘ir moddiy ahvolga tushib qolgan bir guruh O‘zbekiston fuqarolariga Vatanga qaytishda amaliy yordam ko‘rsatildi.
«Dunyo» axborot agentligi ma’lumotiga ko‘ra, ularning O‘zbekistonga qaytishi bilan bog‘liq yo‘l xarajatlari Migrasiya agentligi jamg‘armasi hisobidan qoplangan.
Yordam ko‘rsatilganlar orasida Samarqand viloyatidan bo‘lgan, to‘rt nafar voyaga yetmagan farzandi bilan Rossiyada qolib ketgan ayol ham bor.
Ma’lum qilinishicha, Rossiyada bo‘lish qoidalarini buzgani sababli sud uni deportasiya qilish va mamlakatdan chiqarib yuborilguniga qadar vaqtincha saqlash markaziga joylashtirish haqida qaror chiqargan.
O‘zbekiston Bosh konsulxonasining aralashuvi va amaliy ko‘magi natijasida ayol hamda uning farzandlari bilan bog‘liq masala ijobiy hal etilgan.
17 yoshli qiz o‘ldirilishi 52 yildan keyin fosh etildi: uning ota-onasi haqiqatni bilmay vafot etdi
Rossiya Boltiqbo‘yi davlatlariga qarshi yadroviy qurol qo‘llashi mumkin, agarda...
Estoniyada asfalt tugadi
