Rossiya Mudofaa vazirligi xabar berishicha, Rossiya harbiy kuchlari Kiyevdagi Dnepr daryosi orqali o‘tadigan Shimoliy ko‘prikka dron hujumi uyushtirgan.
Vazirlik ma’lumotlariga ko‘ra, ko‘prik qo‘shinlarning harakatlanishi va Ukraina Qurolli Kuchlariga harbiy yuklarni yetkazib berish uchun ishlatilgan. Kiyev meri Vitaliy Klichko ham erta tongda ko‘prikka zarba berilgani haqida xabar berdi.
Rossiya Mudofaa vazirligi shuningdek, Kiyev viloyatidagi Gostomel logistika markaziga va Qora dengizning shimoli-g‘arbiy qismida yuk tashuvchi kemaga zarba berilgani haqida xabar berdi. Vazirlik ma’lumotlariga ko‘ra, kema Ukraina Qurolli Kuchlari uchun Odessaga ikki maqsadli yuklarni tashiyotgan edi.
Oldingi kuni vazirlik Kiyevdagi Dnepr daryosi orqali o‘tadigan avtomobil va temir yo‘l ko‘prigiga zarba berilgani haqida xabar bergan edi.
Nega Isroil O‘zbekistonga qiziqib qoldi?
Ra’no Shodiyeva uchun og‘ir judolik
Ayiq ovlaganlarga pul mukofoti va’da qilindi
