Rossiya Vazirlar Mahkamasi Serbiya bilan tinchlik maqsadlarida kosmik fazoni o‘rganish va undan foydalanish bo‘yicha hamkorlik to‘g‘risidagi bitim loyihasini ma’qulladi.
Xabarda aytilishicha, tegishli buyruq Rossiyaning rasmiy huquqiy axborot portalida e’lon qilingan.
Ta’kidlanishicha, hamkorlik sohalari kosmik tadqiqotlar, kosmik tibbiyot, Yerni masofadan zondlash, sun’iy yo‘ldosh tizimlari, kosmik meteorologiya va boshqa sohalarni o‘z ichiga oladi.
Hamkorlik kosmik kemalarni uchirish va ulardan foydalanish bilan bog‘liq faoliyat uchun sharoit yaratish, qo‘shma ilmiy loyihalar, texnologiyalar, bilimlar va moddiy resurslar almashinuvi hamda maxsus kelishuvlar va shartnomalar uchun shart-sharoitlarni ta’minlashni nazarda tutadi.
Rossiya hukumati kelishuv bo‘yicha vakolatli organ sifatida faoliyat yurituvchi Roskosmosga Serbiya tomoni bilan Rossiya Tashqi ishlar vazirligi bilan birgalikda muzokaralar olib borishni va kelishuvga erishgandan so‘ng tegishli kelishuvni imzolashni buyurdi. U 10 yil davomida amal qiladi va agar tomonlardan biri uni bekor qilish istagini bildirmasa, har besh yilda avtomatik ravishda yangilanadi.
Shahnoza Mirziyoyeva Musulmon Yunusovning murojaatiga munosabat bildirdi
💴 Adliya vazirligi O‘zbekistondagi pensiya va nafaqalar miqdorini eslatdi
Farg‘onada ko‘p qavatli uy "podvalida" akula boqilayotgani aniqlandi
