Rossiya chempionatida mavsum yakunlandi. Legionerlarimiz qanday natija qayd etdi?

Rossiya Premyer Ligasida mavsum yakuniga yetdi. 30-turidan keyin 67 ochko to‘plagan “Krosnadar” o‘z tarixida ilk bor chempionga aylandi.

Keyingi o‘rinni “Zenit” band etdi. Sank-Peterburg klubi chempion jamoadan bir ochko kam to‘plab, ikkinchi pog‘onadan joy oldi. Abbosbek Fayzullayev to‘p suradigan “SSKA” esa mavsumni bronza medali bilan yakunladi. Moskvaliklar 30-turdan keyin 59 ochko to‘plagan holda kuchli uchlikka yakun yasagan.

O‘zbekiston terma jamoasi himoyachisi Rustam Ashurmatov to‘p tepadigan “Rubin” mavsumni 7-o‘rinda yakunaldi. Sherzod Esonov harakat qiladigan “Akron” jamoasi esa 9-pog‘onani egalladi.

Joriy mavsum Rossiya chempionatida Manfred Ugalde eng yaxshi to‘purar sovriniga ega chiqdi. “Spartak”ning kosta-rikalik hujumchisi 17 gol muallifiga aylandi.

O‘zbekistonlik legionerlar esa quyidagicha statistika qayd etdi:

Abbosbek Fayzullayev: 22 o‘yin, 2 gol va 4 assist.
Rustam Ashurmatov: 14 o‘yin.
Sherzod Esonov: 9 o‘yin.