"An-Nasr" Krishtianu Ronaldu bilan kelishuvni uzaytirish niyatida.
Bu haqda Alfredo Pedulla xabar berdi.
Saudiya Arabistoni klubi portugaliyalik hujumchi bilan shartnomani ikki yilga, ya’ni 2027 yil iyunigacha uzaytirish bo‘yicha jadal muzokaralar olib bormoqda. Kelishuv so‘nggi bosqichga yetgan bo‘lib, klub Ronaldu bilan yangi shartnoma tuzishga erishishiga ishonch bildirmoqda. Ronalduning klub bilan amaldagi shartnomasi 30 iyungacha amal qiladi.
Ronaldu 2025 yilgi klublar o‘rtasidagi Jahon chempionatida ishtirok etadigan jamoalarni ko‘rib chiqmoqda, chunki bu uning mazkur turnirda o‘ynashi mumkin bo‘lgan so‘nggi imkoniyati bo‘lishi ehtimoli yuqori.
Krishtianu joriy mavsum "An-Nasr" safida 34 o‘yinda maydonga tushib, 30 ta gol urdi. Shuningdek, u o‘z faoliyatidagi gol urish seriyasini davom ettirmoqda, hozirga kelib ularning soni 931 taga yetdi.
