Ronaldu jahon rekordini o‘rnatdi

39 yoshli Krishtianu Ronaldu ajoyib natijalarni ko‘rsatmoqda.

Seshanba kuni Saudiya Arabistoni Premyer-ligasi doirasida "Al-Xalij"ga qarshi o‘yinda portugaliyalik hujumchi ikki marta gol urdi.

Natijada Ronaldu gollar soni bo‘yicha o‘zining jahon rekordini yangiladi. Yangi rekord – 919 ta gol. Portugaliyalik futbolchi faoliyati davomida klub va terma jamoa miqyosida shuncha gol urdi.

Krishtianu Ronaldu 1000 ta golga birinchi bo‘lib erishmoqchi. Buning uchun forvard yana 81 marta gol urishi kerak. Eslatib o‘tamiz, Ronalduning "An-Nasr" bilan amaldagi shartnomasi 2024/2025 yilgi mavsum oxirigacha amal qiladi.