“Real” Vinisius bo‘yicha misli ko‘rilmagan taklif oldi va uni qabul qilishga tayyor

“Real”ning braziliyalik yulduzi Vinisius Juniorning klubdagi kelajagi hamon mavhum bo‘lib turibdi. Madridliklar yozda futbolchi bo‘yicha rekord darajadagi takliflarni qabul qilishga tayyorligi aytilmoqda.

Evropa matbuotining yozishicha, Saudiya Arabistoni klublari taklif qilayotgan 300 million yevro miqdoridagi badal puli “Qirollik klubi” prezidenti Florentino Peresni to‘liq qoniqtiradi.

So‘nggi ma’lumotlarga qaraganda, klub va futbolchi o‘rtasida yangi shartnoma bo‘yicha muzokaralarda ijobiy tomonga o‘zgarish bo‘lgani yo‘q. “Real” yangi loyihani Vinisius Junior atrofida shakllantirish g‘oyasidan voz kechadigan bo‘lyapti.

Saudiya Arabistonining “Al-Ahli” va “An-Nasr” kabi badavlat klublari Vinisius Juniorga bir mavsum uchun Krishtianu Ronaldu darajasida, ya’ni 200 million yevro to‘lashni va’da qilmoqda. Bu taklif futbolchining tinchini o‘g‘rilagan.