Madridning "Real" klubi ikki himoyachisi bilan xayrlashmoqchi. AS jurnalistlariga ma’lum bo‘lishicha, ketadiganlar ro‘yxatiga germaniyalik Antonio Ryudiger va avstriyalik David Alaba kiritilgan. "Qaymoqranglilar" ushbu futbolchilarning tez-tez jarohat olishidan norozi.
Eslatib o‘tamiz, Ryudiger va Alabaning "qirollik klubi" bilan shartnomasi kelasi yilning yozida yakuniga yetadi. David "Real"da 2021 yildan, Antonio esa 2022 yil yozidan buyon to‘p tepib kelmoqda.
Ispaniya chempionatining 12-tur yakunlariga ko‘ra, Xabi Alonso shogirdlari 31 ochko jamg‘arib, turnir jadvalida peshqadamlik qilmoqda. Madrid grandi La Ligadagi navbatdagi jangini 23 noyabr kuni "Elche"ga qarshi o‘tkazadi.
