«Real» o‘z maydonidagi kutilmagan durang sabab chempionlik uchun imkoniyatlarini yanada pasaytirib yubordi (VIDEO)

Ispaniya La Ligasining 31-turidan o‘rin olgan bahsda «Real» o‘z maydonida «Jirona» bilan durang o‘ynadi — 1:1.

Uchrashuvning 51-daqiqasida madridliklar yarim himoyachisi Federiko Valverde hisobni ochdi. Mehmonlar 62-daqiqada Toma Lemar tomonidan kiritilgan gol evaziga muvozanatni tiklashdi.

«Real» (70 ochko) ketma-ket ikkinchi o‘yinda ochko yo‘qotdi va La Liga turnir jadvalida ikkinchi o‘rinni egallab turibdi. Jamoa bitta zaxira o‘yiniga ega bo‘lgan peshqadam «Barselona»dan 6 ochkoga ortda qolmoqda.

«Jirona» esa (38 ochko) turnir jadvalida 12-o‘rinni band etgan.

Ispaniya La Ligasi. 31-tur
10.04.2026 | 23:59
«Santyago Bernabeu», Madrid

«REAL» — «JIRONA» — 1:1
Gollar: Federiko Valverde 51 (1:0), Toma Lemar 62 (1:1).

«Real»: Lunin, Eder Militau (Xeysen, 64), Raul Asensio, F. Garsiya (Mendi, 79), Karvaxal, Bellingem (Arda Gyuler, 64), Kamavinga (Tchuameni, 79), Braim Dias (G. Garsiya, 84), Valverde, Vinisius Junior, Mbappe.

«Jirona»: Gassaniga, Vitor Reys, Franses, Moreno, Martines, Vitsel, Ivan Martin (Beltran, 84), Toma Lemar (Rinkon, 70), Unai (Xil, 70), Viktor Sigankov, Klaudio Echeverri (Abel Ruis, 64; Kristian Stuani, 85).

Ogohlantirishlar: Kilian Mbappe (35), Federiko Valverde (76) — Rinkon (88).