Eronning «ishtihasi» ortib bormoqda

Eron maksimal talablarni ilgari surdi: bo‘g‘oz ustidan nazorat, uranga bo‘lgan huquq va AQSh qo‘shinlarini chiqarish.

Eron o‘zining tinchlik kelishuvi loyihasini e’lon qildi. Hujjat Ormuz bo‘g‘ozi ustidan Eron nazoratini, uranni boyitish huquqini, Barsriy ko‘rfazidan barcha Amerika harbiy kuchlarini chiqarishni hamda urush oqibatida yetkazilgan zarar uchun tovon to‘lashni nazarda tutadi. Oq uy ushbu rejani «prinsipial jihatdan jiddiy emas» deb baholadi va mazmuni oshkor etilmagan muqobil taklif ustida ish olib borayotganini bildirdi.

Tahlilchilar ta’kidlashicha, olti haftalik urushga qaramay, AQShning dastlabki maqsadlaridan hech biriga erishilmagan. Eron rejimi, oliy rahbar va o‘nlab yuqori lavozimli amaldorlar halok bo‘lganiga qaramay, saqlanib qolgan. Raketa arsenalining katta qismi asrab qolingan. Yadro dasturi to‘xtatilmagan. Eronning Ormuz bo‘g‘ozini yopish qobiliyati nazariy emas, balki amalda isbotlangan holatga aylangan — va mutaxassislar fikricha, bu hozir Tehronga yadro dasturidan ham ko‘ra ko‘proq bosim o‘tkazish imkonini bermoqda.

Binyamin Netanyaxu esa o‘z navbatida, o‘t ochishni to‘xtatish «urushning yakuni emas, balki barcha maqsadlarga erishish yo‘lidagi to‘xtash» ekanini ta’kidladi.

Hatto dengiz qatnovi qayta tiklangan taqdirda ham, energiya bozorlarining barqarorlashuvi oylab vaqt olishi mumkin. Treyderlar allaqachon neft narxlariga yuqori geosiyosiy xavfni qo‘shib hisoblamoqda — va bu omil uzoq vaqt saqlanib qolishi kutilmoqda.