Deutsche Welle kolumnisti Ivan Preobrajenskiy Rossiya prezidentining 7 aprel kuni mintaqaning 80 yilligiga bag‘ishlangan tantanalarga kelmaganini shunday izohladi. Ushbu sana munosabati bilan Rossiyada hatto yangi bayram – "Kenigsbergning qahramonona egallangan kuni" (9 aprel) joriy etilgan edi.
"Putin Kaliningrad viloyatiga borishdan qo‘rqadi. Hatto u yerga deyarli bora olmaydi, deyish ham mumkin. Zero, Rossiya aviasiyasi uchun Ittifoq davlatlari havo hududi orqali parvoz qilish taqiqlangan.
Boltiq dengizi orqali suzib borishga esa — ayniqsa Shvesiya va Finlyandiya NATO'ga a’zo bo‘lib, bu dengiz alyansning ichki suv havzasiga aylangach — Putin tavakkal qilmaydi. Rossiyaning viloyatiga suvosti kemasida maxfiy rejimda bormasa kerak", — deb yozadi Preobrajenskiy.
Muallifning fikricha, Kreml bu muammoni ommaga ko‘rsatishni istamaydi. Kaliningrad esa Rossiyaning Yevropa Ittifoqi va NATO bilan ehtimoliy to‘g‘ridan-to‘g‘ri to‘qnashuvi nuqtai nazaridan xaritadagi eng xavfli nuqtaga aylangan.
Tehronda Oliy rahbar vafoti munosabati bilan katta motam marosimi bo‘lib o‘tmoqda
Eron Trampning Ho‘rmuz bo‘g‘ozini ochish bo‘yicha ultimatumiga javob qaytardi
Eron Ho‘rmuz bo‘g‘ozining «kalitlarini yo‘qotib qo‘ydi»
