“Barselona” rahbariyati jamoaning fransiyalik legioneri Jyul Kundening klubdan ketishiga to‘sqinlik qilmoqchi emas, aksinchi uning transferini qo‘llab-quvvatlaydi.
O‘ng qanot himoyachisi faoliyatini Angliya Premyer-ligasida davom ettirish imkoniyatini o‘rganib chiqyapti.
Bu haqda Topskills Sports UK nashri xabar bedi. Manbaga ko‘ra, “Barselona” fransuz futbolchisini yozgi transfer oynasida sotishga qaror qilgan.
Futbolchi uchun asosiy da’vogar Londonning “Chelsi” klubi bo‘lib turibdi. Londonliklar tajribali himoyachiga ega bo‘lish uchun barcha imkoniyatlarni ishga solmoqchi. Biroq APLning boshqa klublari ham Kunde atrofidagi vaziyatni kuzatib, transfer imkonyatini chamalab bormoqda.
Joriy mavsumda Kunde barcha musobaqalarda 41 ta o‘yin o‘tkazdi va himoyadagi vazifalarini uddalashdan tashqari, uchta gol urdi va to‘rtta golli uzatmani amalga oshirdi.
Transfermarkt ma’lumotiga ko‘ra, 27 yoshli himoyachining bozor qiymati 65 million yevroni tashkil qiladi.
Millioner! Husanov “Siti”da jami qancha maosh oladi?
Gari Nevill - Abduqodir Husanov haqida: «Hech qachon bunaqasini ko‘rmaganman»
Pep Gvardiola Yevropaning grand terma jamoasini qabul qilib olishi mumkin
