"Real" prezidentining jiddiy jahli chiqdi

Florentino Peres Madrid derbisidagi mag‘lubiyatdan norozi bo‘ldi.

"Real" Ispaniya chempionatining 7-turida "Atletiko"dan 2:5 hisobida mag‘lub bo‘ldi.

Defensa Central nashri xabariga ko‘ra, o‘yindan keyin "Real" prezidenti kiyinish xonasida futbolchilarga murojaat qilgan.

"Bugun bizning kunimiz emas, ular yaxshiroq o‘ynashdi va biz yutqazdik... Bundan saboq olish kerak, biz "Real"miz va yana yuqoriga ko‘tarilamiz," - dedi Peres.

Ta’kidlanishicha, klub rahbariyati hamon Xabi Alonsoning murabbiylar shtabiga va hozirgi tarkibga ishonadi.