"Real"ning asosiy himoyachisining kelasi yozda ketish ehtimoli oshib bormoqda

Madridning "Real" klubi kelasi yili markaziy himoyachi Antonio Ryudiger bilan xayrlashishi mumkin.

Yangi mavsum 32 yoshli futbolchi uchun yaxshi boshlanmadi: u yana jarohat oldi va yil oxirigacha safdan chiqdi. ESPN xabariga ko‘ra, "Real" endi futbolchining kelasi yozda ketishini istisno qilmayapti. Germaniyalik yulduzga hamon Saudiya Arabistoni klublari qiziqish bildirmoqda.

Antonio Ryudiger "qaymoqranglilar" safini erkin agent sifatida tark etishi mumkin, chunki uning amaldagi shartnomasi joriy mavsum yakunlangach o‘z nihoyasiga yetadi. Futbolchi 2022 yilning yozidan beri Madrid grandi sharafini himoya etib kelmoqda.