"Real"ga "Manchester Siti" markaziy himoyachisi taklif qilindi

Madridning "Real" klubi tarkibni "Manchester Siti"ga tegishli bo‘lgan niderlandiyalik himoyachi Natan Ake bilan kuchaytirishi mumkin.

Defensa Central nashri tarqatgan xabarga ko‘ra "shaharliklar" 30 yoshli futbolchini 30 million yevroga sotuvga qo‘yishgan. Futbolchining xizmatlari "qaymoqranglilar"ga taklif qilindi, ular jamoaning mudofaa chizig‘ini kuchaytirishga harakat qilmoqda.

Natan 2020 yilning yozidan beri ingliz klubida o‘ynamoqda. Himoyachining mehnat shartnomasi 2027 yil o‘rtalarida tugaydi. Akening bozor narxi 18 million yevroga baholanmoqda.

Angliya chempionatining joriy mavsumida himoyachi yettita o‘yinda maydonga tushib, gol ura olmadi.