Madridning «Real» klubi himoyachisi Raul Asensioga katta miqdorda jarima solinib, u haydovchilik huquqidan mahrum qilindi. Bu haqda Canarias 7 xabar berdi.
Manbaga ko‘ra, avgust oyida 23 yoshli futbolchi Porsche avtomobilini mast holda boshqarayotganida ushlangan. Ispaniyalik futbolchining qonidagi alkogol miqdori ruxsat etilgan me’yordan qariyb to‘rt baravar yuqori bo‘lgan.
Asensioga 14 400 yevro miqdorida jarima solingani aytilmoqda. Bundan tashqari, himoyachi 8 oy muddatga haydovchilik huquqidan mahrum qilingan.
«Real» tarbiyalanuvchisi yangi mavsumda hali biror marta maydonga tushmadi. Futbolchi jarohatidan tiklanishda davom etmoqda.
O‘zbekiston terma jamoasiga chaqirilmagan TOP-5 futbolchi
Husanovga juda yuqori ball berishdi
Shomurodovni Turkiyada "eplab" bo‘lmayapti — "Bashakshehir" yirik hisobda g‘alaba qozondi
