“Pari Sen-Jermen” bosh murabbiyi Luis Enrike 2026 yil yozida klubni tark etib, Madridning “Real” jamoasini boshqarishi mumkin. Bu haqda X (sobiq Twitter)dagi Tipskills Sports UK nashri xabar bermoqda.
Manbaga ko‘ra, ispaniyalik mutaxassis yangi klubda ishlashga tayyor, biroq u futbolchilar tanlovi, transferlar va sportga oid qarorlar bo‘yicha to‘liq vakolatga ega bo‘lishni istaydi. Qayd etilishicha, Enrike La Ligaga qaytish imkoniyatini jiddiy ko‘rib chiqmoqda.
Luis Enrike 2014–2017-yillarda “Barselona”ni boshqargan. Uning qo‘l ostida kataloniyaliklar Chempionlar Ligasi, Klublar o‘rtasidagi Jahon chempionati, Yevropa Superkubogi, ikki marta Ispaniya chempionligi, uch marta Qirol kubogi va bir bor Ispaniya Superkubogini qo‘lga kiritgan.
2023 yil yozidan buyon Enrike “PSJ”ni boshqarib kelmoqda. Parij klubi bilan u Chempionlar Ligasi, Qit’alararo kubok, Yevropa Superkubogini yutgan, shuningdek, ikki martadan Fransiya chempionati, Kubogi va Superkubogida zafar quchgan. Shuningdek, Enrike “Selta”, “Roma” va Ispaniya terma jamoasida ham faoliyat olib borgan.
Karim Benzema «Real» taklifini qabul qildi
Alonso "Real"dan iste’foga chiqarilgach, ilk bor o‘z fikrlarini bildirdi
Xabi Alonsoning rafiqasi uning «Real»dan ketishiga munosabat bildirdi
