“Пари Сен-Жермен” бош мураббийи Луис Энрике 2026 йил ёзида клубни тарк этиб, Мадриднинг “Реал” жамоасини бошқариши мумкин. Бу ҳақда X (собиқ Twitter)даги Tipskills Sports UK нашри хабар бермоқда.
Манбага кўра, испаниялик мутахассис янги клубда ишлашга тайёр, бироқ у футболчилар танлови, трансферлар ва спортга оид қарорлар бўйича тўлиқ ваколатга эга бўлишни истайди. Қайд этилишича, Энрике Ла Лигага қайтиш имкониятини жиддий кўриб чиқмоқда.
Луис Энрике 2014–2017-йилларда “Барселона”ни бошқарган. Унинг қўл остида каталонияликлар Чемпионлар Лигаси, Клублар ўртасидаги Жаҳон чемпионати, Европа Суперкубоги, икки марта Испания чемпионлиги, уч марта Қирол кубоги ва бир бор Испания Суперкубогини қўлга киритган.
2023 йил ёзидан буён Энрике “ПСЖ”ни бошқариб келмоқда. Париж клуби билан у Чемпионлар Лигаси, Қитъалараро кубок, Европа Суперкубогини ютган, шунингдек, икки мартадан Франция чемпионати, Кубоги ва Суперкубогида зафар қучган. Шунингдек, Энрике “Сельта”, “Рома” ва Испания терма жамоасида ҳам фаолият олиб борган.
Карим Бензема «Реал» таклифини қабул қилди
Алонсо "Реал"дан истеъфога чиқарилгач, илк бор ўз фикрларини билдирди
Хаби Алонсонинг рафиқаси унинг «Реал»дан кетишига муносабат билдирди
