Rasman. Yamal "Barselona" bilan shartnomasini uzaytirdi

Lamin Yamal "Barselona" bilan shartnomasi uzaytirdi. Bu haqda klub matbuot xizmati xabar berdi.

Qayd etilishicha, futbolchi "ko‘k-anorranglilar" bilan shartnomasini 2031 yilning 30 iyuniga qadar uzaytirgan. Yangi kelishuvga ko‘ra futbolchi yiliga 20 mln atrofida maosh oladi.

Eslatib o‘tamiz, ispaniyalik 17 yoshli vinger 2023 yildan buyon "Barsa"ning asosiy jamoasida to‘p suradi. Shu vaqtgacha klub safida 106 o‘yinda maydonga tushib, 25ta gol urgan va 34 assistni o‘z hisobiga yozdirib qo‘ygan.