Rasman! "Manchester Yunayted"ga yangi bosh murabbiy tayinlandi

"Manchester Yunayted" Maykl Kerrikni jamoa bosh murabbiyi etib tayinlaganini e’lon qildi. 44 yoshli mutaxassis bilan shartnoma 2025/26-yilgi mavsum oxirigacha mo‘ljallangan

Kerrik 2006 yildan 2018 yilgacha "qizil iblislar" safida o‘ynagan va jamoa bilan birga 17 ta sovrinni qo‘lga kiritgan, shu jumladan Chempionlar ligasida g‘olib chiqqan va besh marta APL g‘olibi bo‘lgan.

2018 yilda futbolchilik faoliyatini yakunlaganidan so‘ng, Kerrik "MYu" bosh jamoasi murabbiylar shtabiga qo‘shildi va Joze Mourinyo va Ole Gunnar Sulsherning yordamchisi bo‘lib ishladi. Sulsher klubini tark etgach, u bosh murabbiy vazifasini bajaruvchi bo‘lgan. 2022 yildan 2025 yilgacha mutaxassis "Midlsbro"ni boshqargan.

Yanvar oyi boshida "Manchester Yunayted" bosh murabbiy Ruben Amorimni iste’foga chiqardi. Jamoa Angliya chempionati-2025/26 21-turidan keyin 32 ochko bilan turnir jadvalida yettinchi o‘rinda bormoqda.