Raqamli texnologiyalar vazirligi Gemini AI Plus obunasini talabalar uchun bepul qildi

O‘zbekistonlik talabalar endi Google Gemini AI Plus obunasidan Aileaders.uz platformasi orqali bepul foydalanishlari mumkin.

Raqamli texnologiyalar vazirligi va Google hamkorligi natijasida Google’ning xalqaro verifikasiya bo‘yicha hamkor platformasi — SheerID O‘zbekistonni rasman qo‘llab-quvvatlanadigan davlatlar ro‘yxatiga kiritdi.

Bu orqali o‘zbekistonlik talabalar Google verifikasiyasidan muvaffaqiyatli o‘tib, 60 dollarga teng 1 yillik Google Gemini AI Plus xizmatidan mutlaqo bepul foydalanish imkoniyatiga ega bo‘ldilar.