Qozog‘iston milliy jamoasi bosh murabbiyi vazifasini bajaruvchi Ali Aliyev «Chelsi» klubiga o‘tgani xabar qilingan qozog‘istonlik 16 yoshli Doston Satpayevni Abduqodir Husanov bilan taqqosladi.
«Dostonni Husanovdan ko‘ra kuchliroq deb hisoblayman. Husanov himoyachi sifatida, Doston ham to‘g‘ri munosabatda bo‘lsa uning genetikasi juda kuchli. Satpayev – atlet, unga Yevropa darajasida rivojlanishi va o‘sishi uchun shunchaki turtki kerak.
Hozirda «Real» safida turkiyalik Arda Gyuler bor, braziliyalik Endrik bor, Doston esa faqatgina Qozog‘iston pasportiga ega ekani sababligina ular darajasidagi e’tiborga tushmagan. Xalqaro maydonda u bu vaziyatdan unumli foydalanishi mumkin», - deydi qozog‘istonlik murabbiy Meta-ratings.kz sayti muxbiri bilan suhbatda.
Eslatib o‘tamiz, Aliyev yaqinda Qozog‘iston milliy jamoasidan iste’foga chiqarilgan Stanislav Cherchesov o‘rniga bosh murabbiy vazifasini bajaruvchi etib tayinlangandi.
Ma’lumot uchun, «Qayrat» klubi va Qozog‘iston o‘smirlar jamoasining 16 yoshli yarimhimoyachisi Doston Satpayev «Chelsi» klubi tomonidan 4,3 million yevroga transfer qilingani, futbolchi 2026 yilda voyaga yetgach, London klubiga o‘tishi haqida xabar qilingandi.
Pep Gvardiola "futbolni yaxshiroq tushunishiga yordam bergan" yagona o‘yinchini aytdi va bu Lionel Messi emas
Ranyeridan endi Shomurodov asosiy hujumchimi deb so‘rashdi
Gvardiola «Liverpul»ga qarshi bahsda Husanovning o‘yiniga baho berdi
