Qoraqolpog‘iston Respublikasida qiymati 8,6 milliard dollarlik gigant shamol elektr stansiyalari quriladi. Bu haqda Jo‘qorg‘i Kengesi matbuot xizmati xabar berdi.
Aholi va iqtisodiy tarmoqlarning energiya resurslariga bo‘lgan talabini qondirish maqsadida Saudiya Arabistonining "ACWA Power" kompaniyasi bilan hamkorlikda Qo‘ng‘irot, Qorao‘zak va Beruniy tumanlarida umumiy quvvati 7,2 ming megavatt bo‘lgan shamol elektr stansiyalari qurilmoqda. Loyihaning umumiy qiymati 8,6 milliard dollarni tashkil etadi.
Ta’kidlanishicha, o‘tgan yili ushbu kompaniya Qorao‘zak tumanida qiymati 107 million dollar bo‘lgan, quvvati 100 megavattlik shamol elektr stansiyasini ishga tushirgan. Loyiha natijasida yiliga 350 million kilovatt-soat elektr energiyasi ishlab chiqarish imkoni yaratildi.
Natijada 100 million kub metr tabiiy gaz tejalishiga, shuningdek, atmosferaga 180 ming tonna karbonat angidrid chiqindilari tarqalishining oldi olinishiga erishilgan.
Trampning ikki-to‘rt oy umri qolganmi?
Ilon Mask Rossiya dronlariga Starlink sun’iy yo‘ldosh aloqasidan foydalanishini chekladi — The Insider
Rossiya “soya floti” kemalarini himoya qilish uchun Harbiy-dengiz kuchlaridan foydalanishni rejalashtirmoqda
