Qirg‘izistondan qalbaki dollarlarni O‘zbekistonga sotish maqsadida olib kirayotgan 2 fuqaro qo‘lga olindi

Namanganda 10 mingga yaqin qalbaki dollarning muomalaga kiritilishining oldi olindi
Davlat xavfsizlik xizmati xodimlari Qirg‘izistondan qalbaki dollarlarni O‘zbekistonga sotish maqsadida olib kirayotgan ikki fuqaroni qo‘lga oldi, deb xabar bermoqda «Podrobno.uz» muxbiri.

Davlat xavfsizlik xizmati matbuot xizmati xabariga ko‘ra, Namangan viloyatining Pop tumanida Toshkent shahriga ketayotgan Chinoz shahrida yashovchi 46 yoshli fuqaro boshqaruvidagi «Honda» rusumli avtomashina to‘xtatilgan. Tekshiruv davomida erkakda 4 ming qalbaki dollar borligi aniqlangan.

Ma’lum bo‘lishicha, u ilgari sudlangan 53 yoshli Namangan viloyati Yangiqo‘rg‘on tumanida yashovchi fuqarodan kelajakda sotish maqsadida 2,2 ming dollarga qalbaki pul sotib olgan.

O‘tkazilgan tezkor tadbir davomida ushbu fuqaro 5,4 ming qalbaki dollarni real 3 ming dollarga almashtirib berayotgan vaqtida qo‘lga olindi. Huquq-tartibot idoralari xodimlari, shuningdek, qo‘lga olingan shaxs Qirg‘izistondagi sheriklari orqali qalbaki pul olib kelganini aniqladi.

Hozirda mazkur holat yuzasidan Jinoyat kodeksining 176-moddasi 2-qismi «b,v» bandlari (qalbaki pul, aksiz markalari yoki qimmatli qog‘ozlarni tayyorlash, sotish) bilan ish qo‘zg‘atilgan.