Qirg‘izistonda zilzila oqibatida 39 ta bino zarar ko‘rdi

Qirg‘izistonning O‘sh viloyatida 11 martdan 12 martga o‘tar kechasi sodir bo‘lgan zilzila oqibatida 39 ta bino, jumladan, turar joy binolari, maktablar va bolalar bog‘chalari zarar ko‘rdi.

Bu haqda respublika Favqulodda vaziyatlar vazirligi xabar berdi.

25 ta turar-joy binosi, ulardan biri "avariya holatida va yashash uchun xavfli" deb topilgan, shuningdek, 12 ta maktab, bolalar bog‘chasi va poliklinika shikastlangan.

Favqulodda hodisa joyida "zararni baholash va jabrlanganlarga yordam ko‘rsatish" ishlari davom etmoqda.

Qirg‘izistonda 12 martga o‘tar kechasi sodir bo‘lgan zilzila episentrida magnituda 4,9 ni tashkil etdi.