Qirg‘iziston prezidenti Sadir Japarov jamoat joylarida niqoblarni kiyishni taqiqlovchi qonunni tasdiqladi. Hujjat davlat rahbarining rasmiy saytida e’lon qilindi.
Qonunga muvofiq, shaxsni identifikasiya qilishga to‘sqinlik qiluvchi va yuzni to‘suvchi kiyimlarni kiyish taqiqlanadi. Bundan faqat kasbiy faoliyat yoki tibbiy zarurat uchun istisno qilinadi.
Qonun diniy sohada nazoratni kuchaytirishni ham o‘z ichiga oladi. Endi ateistlarni, boshqa dinlar tarafdorlarini yoki betaraf shaxslarni o‘z diniga chaqirish taqiqlanadi. Shuningdek, qariyalar uylarida, qamoqxonalarda va harbiy qismlarda diniy marosimlarni o‘tkazish man etildi.
O‘quv muassasalarida, jamoat joylarida yoki uyma-uy yurib diniy materiallarni tarqatish ham taqiqlanadi.
Bu qoidalarni buzganlik uchun 20 000 som (230 dollar) miqdorida jarima belgilash belgilandi.
Bundan tashqari, «Vijdon erkinligi va diniy tashkilotlar to‘g‘risida»gi qonun qabul qilindi. Unga ko‘ra, diniy ta’lim olish uchun chet elga chiqish Davlat diniy ishlar bo‘yicha komissiyasi va diniy tashkilot rahbariyati bilan kelishilgan bo‘lishi shart.
Ikkala qonun ham 2024 yil 26 dekabrida Qirg‘iziston parlamenti tomonidan tasdiqlangan.
"Ko‘rinmas" rus dronlari Ukraina artilleriyasini mazax qilmoqda
Rossiya Su-35’larni Xitoyga sotib xato qildimi? Xitoy Su-35’larni uchish uchun emas, nusxa olish uchun olgan!
Rossiya Xitoydan tinchlikparvar kuchlarni qabul qilishga rozi
