Putin Trampni yana aldadi

Oldin xabar qilinganidek, AQSh prezidenti Donald Tramp 14 mart, juma kuni Truth ijtimoiy tarmog‘idagi rasmiy hisobida kecha (13 mart) "Rossiya prezidenti Vladimir Putin bilan juda yaxshi va samarali muzokaralar" o‘tkazganini ma’lum qildi. Trampning ta’kidlashicha, u go‘yoki "minglab ukrainalik askarlar... juda og‘ir va nochor ahvolda" to‘liq qurshovga tushib qolgan, deb "prezident Putindan ularning hayotini saqlab qolishni qat’iy iltimos qilgan".

Ukrainalik harbiy ekspert Yan Matveevning taxminicha, "qurshov" haqida, ehtimol Kursk yo‘nalishida, Donald Trampga rossiyaliklar "yolg‘on ma’lumot bergan" va u bunga ishongan. "Putin Trampga minglab ukrainalik askarlar Kursk viloyatida TO‘LIQ QURSHOVDA ekanligini aytib aldadi. Tramp esa ishonib, ularga shafqat qilishni so‘radi. Balki o‘z razvedkasi va harbiy mutaxassislariga ishonish kerakdir, ... (Putinga) emas?" - deb yozdi ekspert. Uning so‘zlarini "Dialog" nashri keltirdi.

«Bit Ili» Telegram-kanali yozishicha, "endi Tramp Ukrainaga ko‘rsatgan xizmatini ro‘kach qiladi: Putindan minglab askarlarning hayotini saqlab qolishni so‘ragan emish. Ular qayerda qurshovda qolgani mutlaqo noaniq, chunki hatto juda taxminiy hisoblasak ham, kulrang hududning eng chekka nuqtalari bo‘yicha, qurshovgacha kamida 9 km masofa bor. Aslida esa undan ham ko‘proq, chunki Rossiya Qurolli Kuchlari hamma joyda mustahkamlanib olgani yo‘q."

Frontdagi vaziyatni kuzatib boruvchi DeepState OSINT loyihasi ham Kursk plasdarmida hech qanday qurshov holati yo‘qligini ta’kidlamoqda.

Qurolli Kuchlar Bosh shtabi Rossiya armiyasi Kursk viloyatida Ukraina harbiylarini qurshab olgani haqidagi ma’lumotlar haqiqatga to‘g‘ri kelmasligini ma’lum qildi. Idoraning ta’kidlashicha, bu ma’lumotlar rossiyaliklar tomonidan "siyosiy maqsadlar va Ukraina hamda hamkorlarga bosim o‘tkazish" uchun tarqatilmoqda. Shuningdek, Bosh shtab vaziyat bir sutka ichida sezilarli darajada o‘zgarmaganini qayd etdi: "Kursk qo‘shinlari guruhining operasion hududida jangovar harakatlar davom etmoqda."