Qashqadaryo viloyatining Ko‘kdala va Kitob tumanlarida fuqarolardan uy-joy va avtomobillar uchun 920 million so‘mdan ortiq pul mablag‘larini aldov yo‘li bilan olgan shirkat rahbarlari aniqlandi, deb xabar bermoqda «Podrobno.uz» muxbiri.
Bosh prokuratura huzuridagi Iqtisodiy jinoyatlarga qarshi kurashish departamentining ma’lum qilishicha, dastlabki tergov davomida Ko‘kdala tumanidagi korxonalardan birining rahbari to‘rt nafar fuqarodan firibgarlik yo‘li bilan qariyb 460 million so‘m olgani aniqlangan.
Bu pullar ko‘p qavatli uylardan kvartira sotib olish uchun dastlabki to‘lov bo‘lgan, biroq xonadonlarning hujjatlari hech qachon to‘ldirilmagan.
Shuningdek, Kitob tumanida o‘tkazilgan tergovga qadar tekshiruv chog‘ida korxonalardan birining rahbari 3 nafar mijozga shartnoma asosida «Tracker», «Cobalt» va «Damas» rusumli avtomashinalarni yetkazib berish muddatini ikki oygacha qisqartirishni va’da qilgani ma’lum bo‘ldi. Ushbu xizmat uchun 464 million so‘m so‘ragan.
Mazkur holatlar yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari olib borilmoqda.
19 may kuni yomg‘ir yog‘ishi mumkin bo‘lgan hududlar e’lon qilindi
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
